كلام فى حب النبى
(مديح)
يا عاشقين النبى
حب النبى أفراح
واللى يصلى عليه
قلبه أكيد يرتاح
ويعيش فى نعمه وسعاده
ومن نجاح لنجاح
انا إللى عاشق محمد
وقلبى فيه مداح
ولما بسمع اسمه
بطير وفرحى جناح
هوه الجميل المكمل
وصفوة الفتاح
هوه الطبيب المداوى
فى الدنيا كل جراح
هوه اللى زرع الحياه
حب وأمل وسماح
وأحلى اسم انكتب
ع الورق وفى الألواح
حملته امه وكان
حملها مرتاح
ومات أبوه وهوه فى بطنها
لسه لاجه ولاراح
وف وضعه ماحستش
لا بألم ولا بجراح
فى رضاعته حليمه
شافت الخير مسا وصباح
مولود يتيم لكن
كان لليتامى مصباح
وخديجه فى تجارته
جالها كتير أرباح
إن كنت عايز السعاده
فى الدنيا وعايز الفلاح
صلى على محمد
بحماس وبانشراح
وان كنت عايز الجنة
فى سنته المفتاح
(مدح) رضا عبد الحميد
مولود يتيم لكن
كان لليتامى مصباح
وخديجه فى تجارته
جالها كتير أرباح
إن كنت عايز السعاده
فى الدنيا وعايز الفلاح
صلى على محمد
بحماس وبانشراح
وان كنت عايز الجنة
فى سنته المفتاح
(مدح) رضا عبد الحميد
ليست هناك تعليقات:
إرسال تعليق