( الارض زهقت من البشر )
كلمات الشاعر الفنان رزق جادو
مصر .. دمياط
الارض زهقت من البشر
الكون علي حافة خطر
ده قضــاء وقـــدر
من صنع جنس البــشر
الحب مات وانتــحر
ذاد الفساد وانتـــشر
من كتر ظلم البــشر
ذبل الورق علي الشجر
الصبر راح وانـحسر
خلص الليمون واتعصر
الفرح جوانا إتقـــهر
الحلم في قلوبنا انكـسر
دنيا وفيها العــــبر
فيها الاصيل يحـــتقر
فيها الخبيث يــتشكر
فيها الغني إتســعر
على كل شئ محتكر
فيها الفقير يـــتجزر
ويعيش حياة الضرر
ده قضاء وقـــدر
من كتر ظلم الـبــشر
ذاد الغلاء وانتشر
عمت القلوب والبصر
جنون وصاب البــقر
وباء وصاب البشر
فيروس كرونا حضر
العالم منه إتحظر
بالبيضة ويا الحــجر
كسب الدولار وانتصـر
سوق الحلاوة جــــبر
وراح زمانه هــدر
الناس قلوبها حـجر
التقوي ملهاش أثــر
وقت الطوفان منــتظر
بركان ولازم ينفـــجر
الارض زهقت من البشــر
والكون علي حافة خطر
كلمات الشاعر الفنان : رزق جادو
مصر ..دمياط
ليست هناك تعليقات:
إرسال تعليق