.....الصلاة على النبي.......
اليوم الدنيا تعاند فيا
حتى في أحلامى وافكاري
اللى نطرحها تجي ملوية
تمشي عكس الريح أشواري
لمولاي رفعت إيديا
راضي بالقسمة وأقداري
نطلب فيه يعف عليا
بحق الرحمة والاستغفاري
بجاه الروضة اللي مبنية
وكل من سبح في لفجاري
وجاه الهادي يشفع فيا
ورحمة من عالم لسراري
يا مولاي تروف عليا
وترحمني من جور اكداري
وتطرح عطر البركه فيا
نجاحات ترافق مشواري
وياربي تهدى الذرية
وعللى في العالي مقداري
بعد جورة ليام عليا
ترحمني يا سيدي
وصلاتي ع الهادي بو رقية
بعد الظلمة جاب افجاري
من نوره عم البشرية
الجاهل فيها واللي قاري
محمد ولد العدنانبة
الصادق هو كامل لنواري
له مني مليون تحية
مختومة بأجمل لزهاري
على روحه تهب في عشوية
مصحوبة بأنسام بكاري
على عدد الرملة المذرية
وعدد اليابس واللي جاري
وعدد الالواح الممحية
وعدد الحرف قراه القاري
وعدد أعداد أرواح برية
تسبح للمولى الغفاري
وعدد الاعداد المخفية
المعلومة في كتاب الباري
وعدد الارواح العلوية والسفلية
واللى تسكن في لبحاري
وعدد النجمة اللي مضوية
وعدد الصفحة اللي مطوية
عدد ما خط القلم الجاري
له مني ترليون تحية
عدد الأعداد المنسية
واللي غابت عن لفكاري
مع مليون صلاة وسلام
عدد لقسام
الظاهر منها والمتواري
مسى وصباح
عدد ما لاح
الفجر وصاح
الديك يبشر بالافجاري
عدد لفراح
عدد اللافي واللي راح
عليه مني صلاوات سماح
وتسبيحات أوقات عصاري
عدد لرواح
عددما غاب البدر ولاح
عددما طاح
ورق يابس من بعد خضاري
عدد لشباح
المزروعه في كل براح
عددما جالن فيه أرياح
عدد لملاح
غبت شالتها سيول ضواري
عدد ما فاح
العطر وهبت بيه أرياح
عدد مولى السالف طلفاح
مبخر بعطورات قماري..
ويارب العرش الفتاح
على سياتي يعم سماح
نشوف مولى النور الوضاح
وبيه نكحل ميم أنظارى..............،،،،،
إبن الحاضــــــر.
ليست هناك تعليقات:
إرسال تعليق