باللهجة الريفية التونسيةبعنوان
يقولوا العمر يعلم والزمان يربي
يڨولوا ا
لعمر يعلم والزمان يربي
وأنا عمري تعدى وزماني ما رباني
و يڨولوا ..
طبيب النفس مولاهاو مولاها عالم بدواها
ما ڨالوا....
العمر يجري كيف لمح البصر
و الزمان ڨاسي ڨلبو من حجر
وما ڨالو....
دواء النفس صعيب لڨيانه ما يقدر عليه طبيب زمانه
و ما يقدر يشريه سلطان سراديب عندو بالذهب مليانه
اليوم أنا نڨول....
سبحان ربي علّام كل الخفيا خبّر في كتابو على كل أمر
خبّر على الظاهر
خبّر عل المتستّر
وتبع كلامي .. يا سامعي كلامي نعدّو في اسطر
على خلطتي الأصحاب راني نعاني
أنا الي كنت نحسن للبعيد قبل الداني
ونحط ثيقتي في كل من قربني نخدمو بعياني
تدعثرت...
زلّت بي القدم
جرى مني بغزاره الدم
ناديت اصحابي ... ناديت اولاد العم
سمعت اذني كلام اقوى من السم!
شعلت الشمع على ظوافري ندم....
و حلفت .... حلفت لا عاد نحصل لذرية آدم
دارت الايام
دارت الايام برى فيها الجرح واندمل
نسيت كل من قال ودار في عمل
معسول الكلام نسّاني آش كان الحال
عاودت عملت معاهم الخير سنين طوال
يقولوا العمر يعلم
والزمان يربي! ؟
عاودت طحت ...
تفرقوا ونسوني
عيّطت
حسبوا رواحهم ما سمعوني
أعمالي وعملت بيديّه
نستاهل الذبح يا خلق اسمعوني
هاذي قصتي وحكايتي
و شكون سمعني
وكلامي موجه ليك يا سامعني
يقولوا العمر يعلم.... والزمان يربي
أنا ... عمري تعده وزماني ما رباني
جمال الدين همامي
تونس 3/12/2019
