.......... 🌹 أخترتي غيري 🌹.......
أخترتي غيري .وقولتي معاك مش هكمل المشوار
قلعتي دهباتي. والخاتم و الدبله
خلاص جمعتيلك حجه وسِبله
رحتي للواد اللي معاه عربيه وشليهات
وقولتي عايزه أعيش زيي زي البنات
وقولتي أنساني ومهمكيش أنجرح ولا حتى أموت
مهمكيش وجعي . شفتي حياتك. وأنا أنحرق
أضربك رأسي في أتخن حيط. أولع أو أشيط
مش في بالك ده كله. المهم عندك حياتك الجديدة
مبروكة عليكي حياتك الجديدة
ولو عليا هرضى بمكتوبي والأحزان
بس أمانه عليكي لو يوم شفتيني صدفه قدامك
قولي لصحباتك هو ده اللي حبني وعشقني زمان
كان راجل جدع وابن أصول وطيب وكله حنان
وخبي عليهم ومتقوليش إنك بعتيني وسبتيني
علشان متظهريش قدامهم إنك ملكيش أمان
شفتي قد ايه بريدلك الخير وخايف عليكي
حتى وانتي كسراني بزحف وبحاول أحميكي
حتى وانتي دبحاني بفرفط تحت رجليكي
حتى وانت قتلاني روحي بتحوم حواليكي
اللي بيحب بجد عمره ما يبقى ندل ولا جبان
قولي لصحباتك هو ده اللي حبني وعشقني زمان
كان راجل جدع وابن أصول وطيب وكله حنان
🌹 🌹
بقلمي 🌹 /السيد محمدالدالي
