.......... 🌹 أخترتي غيري 🌹.......
أخترتي غيري .
وقولتي معاك مش هكمل المشوار
قلعتي دهباتي.
والخاتم و الدبله
خلاص جمعتيلك حجه وسِبله
رحتي للواد
اللي معاه عربيه وشليهـات
وقولتي عايزه
أعيش زيي زي البنـــــــات
وقولتي أنساني
ومهمكيش مبسوط ولا حتى أموت
قلبي فالوجع غرق.
شفتي حياتك. وأنا أنحرق
أضرب راسي.
في أتخن حيط. أولع أو أشيط
مش في بالك ده كله.
المهم عندك حياتك الجديدة.
مبروكة عليكي حياتك الجديدة
ولو عليا هرضى بمكتوبي والأحزان
بس أمانه عليكي.
لو يوم شفتيني صدفه قدامك.
قولي لصحباتك.
هو ده اللي حبني وعشقني زمان.
كان راجل جدع
وابن أصول وطيب وكله حنان.
وخبي عليهم.
ومتقوليش إنك بعتيني وسبتيني.
علشان متظهريش.
قدامهم إنك ملكيش أمــــــان.
شفتي قد ايه.
بريدلك الخير وخايف عليكي.
حتى وانتي كسراني.
بزحف وبحـــــاول أحميــــــكي
حتى وانتي دبحاني.
بفرفط تــــحـــت رجليــــــكي.
حتى وانت قتلاني.
روحي بتحــــوم حواليـــــــكي.
اللي بيحب بجد.
عمره ما يبقى ندل ولا جبـــــان.
أمانه عليكي.
لو يوم شفتيني صدفه قدامك.
قولي لصحباتك.
هو ده اللي حبني وعشقني زمان.
كان راجل جدع.
وابن أصول وطيب وكله حنــــان.
🌹 🌹
بقلمي 🌹 /السيد محمدالدالي
