زجليتي
المال السايب
راه المال السايب كيعلم الزيغة
عمرك توب عمرك تبدل الصيغة
الطرطيبة ف الشعر والصبيغة
سوا فالمدينة سوا ف ورديغة
ياسيدي قالو شيخ قالو شيخة
ماعرفتك رجل ولاغير زوليخة
سرّو تحسينة بلاما وتفرشيخة
يا الله يتقاد و تسگمو الطبيخة
مزينك ياالدري ف صيفة ربيعة
الله يسترنا والله يخليها طبيعة
ماعرفناها موضا ولاغير تقبيعة
ضان راسو رجل هو غير هويعة
واه يا الدنيا فيك نفوس شريدة
حال الدري و البنت گاع وحيدة
مابقا حشوم الرجلة ولات بعيدة
خاب الظن و الله يخليها قعيدة
كن عاقل لا تمشي كيف البهيمة
الدنيا زوج وجوه جاهلة وفهيمة
لاتكون كي الحمار تشدو السريمة
كون فحل علي الشان وكبر القيمة
حدو الطاهري مجذوب العصر
